Resumo da Reinventio Compostela 2ª edición

No serán do pasado de, 1 de febreiro, no Airas Nunes celebrouse a segunda edición da Reinventio Compostela organizada por nós, XerAcción XV.

 

Nesta ocasión foron catro historias de cambio protagonizadas por seis mulleres. Catro historias inspiradoras que nos fan crer que os cambios de vida son, en moitos casos, necesarios e frutíferos aínda que arriscados.

 

Comezaron a velada as tres mulleres de Gaia dos Nenos: Elena, Miriam e Sonia. Procedían de mundos tan dispares como a avogacía da banca, a enxeñaría informática e o audiovisual. Mais os seus valores non se correspondían cos seus traballos, dsc_0446especialmente cando a familia pasa a ser o eixo das súas vidas. Gaia dos Nenos é unha casa onde pesan tanto os valores como a familia. Tenda de alimentación ecolóxica, xoguetaría especializada, centro de formación e información de nais e pais. A súa primeira creación (ou parto como din elas) o Bambán, unha táboa curva de bidueiro galego, que permite aos máis pequenos xogar ao ar libre e fomentar a súa imaxinación.

 

A segunda historia persoal e de reinvención protagonizouna Euri Castillo. Xornalista venezolana, afincada en Galicia dende hai 17 anos, que lle gusta “chismear” no fondo das persoas cando as entrevista, e quixo facelo con ela mesma. dsc_0452De pequena soñaba con poder vivir noutras épocas, antigo Exipto, Roma… Despois dunha estadía en París, mudou no seu soño, época por lugar. Posteriormente, casou cun galego e tras vivir en Venezuela, cambiaron a sús residencia a Galicia. A emigración supuxo cambio, medo, ansiedade, e tamén inmersión cultural e social, costumes, vocabulario. A observación e o contacto coas persoas propiciada en boa medida polo seu fillo, co que ía aos parque infantís, potenciaron esa inmersión. Tanto que chorou cando morreu Carmen Sevilla e co Prestige. Aí percatouse que xa formaba parte de aquí, que xa non era tanto de alá e era máis de acá. Xa podía optar á nacionalidade, ela xa se autorrecoñecía como galega. Tiña dereito a ela por estar casada cun galego, mais non quería un novo pasaporte, ela quería gañar un país.

 

Sandra Barral. Había un soño e moitas escusas. Despois de vivir un terremoto para o que “non estaba vestida para a ocasión” e non cumplira os seus soños, tomou a decisión de apracar a súa vida de executiva en distintos ámbitos da comunicación e tomarse un tempo para si mesma.dsc_0457 De ter unha axenda anual planificada en xaneiro para tomar café co presidente de Colombia, para preparar a presentación dun disco de Sting ou Marta Sánchez; pasou a facer un galiñeiro, dar clases de español, de inglés,… Buscou o seu sitio en Canadá, EUA, Alemaña, non quería frío e precisaba do mar polo que foi a Mallorca, Valencia, Barcelona. O seu entorno non comprendía esta tolemia, por momentos ata ela mesma se sentía culpable de ter abandonado o luxo e as viaxes en primeira por esta nova situación, sen traballo e perdida. Mais era feliz. Non tiña axenda. Cinco anos pasaron ata que parou en Pontevedra. Cinco anos de crecemento persoal: Aprendeu a arriscar, a confiar, a prestar atención, a fluír. Reinventouse dende ela mesma, pasando de xefa estrita a vivir. “O mellor xeito de ver o futuro é crealo, pero leva tempo”. Descubriu algúns dos significados do tempo: Dubidar, caerse, erguerse, experimentar, arriscar entre outros, e así nace Happiness Lab, club para o crecemento persoal, en Pontevedra.

 

E finalmente, África Rodríguez quen mudou o dereito en Madrid polo espazo de coworking Arroelo en Pontevedra. Este cambio non foi automático nin de súpeto. Comezou pouco a pouco, dende unhas necesidades físicas, o seu corpo comezou a pedir. Necesidade de ir a clases de flamenco onde era realmente feliz, non no traballo. Precisaba non sentirse atada e cambiou de piso; retomou a colaboración cunha axencia de refuxiados, onde fixera unhas prácticas e na que fora moi feliz.dsc_0460-1 Unha situación familiar precipitou esa volta á casa. A inspiración familiar, especialmente da súa avóa Lola, xunto coa súa socia e a chegada de xente pouco a pouco van fornecendo o nacemento de Arroelo. Esta reinvención persoal é sometida a unha revisión cada seis meses mediante a seguinte cuestión “Que é o que te move do que fas?”

Só nos queda agradecer a presenza destas catro mulleres Reinventio e agardar que na vinderia ocasión calquera de vós que esteades lendo isto queirades pasar a ser persoar Reinventio 🙂

Unha forte aperta de de Parte de Xeracción XV, Carmen Suárez, Iago Raposo, Raquel Noia e Carmen Torres. Aquí , moi orgullosas e orgulloso, coas 4 novas mulleres Reinventiodsc_0471

As fotos son de Carmen Torres @Maka_SCQ

 

Advertisements

REINVENTIO Compostela 2ª edición

Que é REINVENTIO Compostela 2ª edición?

É un evento creado polo equipo de Xeracción reinventio2XV no 2016 para compartir historias de reinvención no ámbito do emprego. Os asistentes e as asistentes poderán escoitar as experiencias de 4 participantes que deron un paso á fronte para estar máis cerca de ser as profesionais que sempre quixeron ser. Cada relatora ten uns 12 minutos para compartir a súa historia, despois disto haberá unha quenda de preguntas, así como networking é dicir, tempo para coñecernos, comentar e compartir as nosas anécdotas nun ambiente relaxado. 

Para esta edición escollemos unha noite de mulleres, unha noite de mulleres poderosas e con capacidade de sorprenderse e sorprendernos cada día. O mundo tense que reinventar, e nós as mulleres temos que levar a iniciativa, con imaxinación, forza, mirando sempre cara ao futuro con optimismo. A reinvención ou é feminista ou non é! As reinventoras para esta edición son: 

 

Como vemos nós a reinvención?

A reinvención é decatarse de que algo non está funcionando na túa vida e saber que lle tes que dar unha volta, virala como a unha tortilla. Xa o dicián os nosos avós, “saír dun souto para meterse noutro” E neste último  souto as castañas son ben saboridas. Tamén é o o espírito de descubrirse a un mesmo e a unha mesma, de valorarse, de erguerse cando caemos e con máis forza que antes, iso é a reinvención. Saír con forza e inzado de folgos cara a novos retos, cara a novas inquedanzas e proxectos que na inmensa maioría dos casos nunca pensaramos que íamos chegar  facer. 

A nosa intención é que a REINVENTIO Compostela fose unha plataforma  que dera voz a historias de persoas que se decataron de que algo fallaba, que non funcionaba na súa vida, na súa contorna  e optaron por xerar  cambios, entendendo o cambio como a busca de todo aquilo que nos fai sentir ben , que nos reconcilia coa vida e coas persoas.  Para nós esas historias son o verdadeiro motor do cambio, un tesouro que hai que compartir e espallar co obxectivo de que inspiren , motiven e impulsen a outras persoas e estas a outras e facer unha cadea de historias que nos axude a ter a sociedade que queremos. Non buscamos grandes historias , senón a de todos e cada un e cada unha de nós. Historias inspiradoras, historias de fortaleza persoal e colectiva historias de superación e historias de atopar o noso lugar no mundo, en definitiva, reinventarse e seguir cara a adiante!

 

Quen é Xeracción XV?

  XerAcción XV é un movemento de acción social cooperativa baseado na xeración de oportunidades de cara a mellorar a empregabilidade dos seus e das súas integrantes; a volta á esencia do noso ser social. Nado do Proxecto Colabora de fomento do emprendemento social e o intraemprendemento e organizado desde o Concello de Santiago de Compostela. Nas áreas de economía social e desde promoción económica

  Composto por un equipo de 15 profesionais de diversos sectores en situación actual de desemprego, XerAcción XV é una aposta pola empatía, a resposta ao desengano cos xeitos tradicionais de busca de emprego. Trocamos inmovilismo, falta de perspectivas e perda de autoestima  por  ACCIÓN. Por participación activa nun ambiente de solidariedade, por unha , pola responsabilidade compartida na busca proactiva de novas posibilidades profesionais e persoais. Por non deixar de ilusionarnos.

Se aínda tedes curiosidade ou queredes saber máis sobre o que facemos, ou sobre nós…Podedes visitar o noso blogue https://xeraccionxv.wordpress.com/, as nosas redes socias ou dirixirvos a calquera de nós durante o evento!

E se aínda non gozáchedes da nosa curta Soltando lastre, realizada por Illa Bufarda, agora é o momento.

Encantaríanos moito saber de vós!.

HOXE ATREVERASTE MÁIS NA VIDA Por Carmen Suárez

Fai pouco presentouse no concello de Santiago a 2ª edición de COLABORA. Vivo este momento con sentimentos encontrados, por una volta de morriña, xa que fai case un ano que fun participante deste pioneiro programa de emprego, e por outra dun sentimento de logro, pois nesta edición formo parte do equipo docente de Colabora II.

A miña aventura como participante sempre a describo como una experiencia totalmente recuperadora , transformadora e de forza de equipo.

Recuperadora, porque cando comezo este camiño a miña situación emocional laboral non era a máis adecuada  pois levaba desempregada case dous anos.  Gracias as metodoloxías empregadas neste programa: psicoloxía positiva, intelixencia emocional, sesións de acompañamento….  volvín a por en valor toda a miña traxectoria profesional.

Transformadora,  porque me a xudou a superar medos, a empoderarme, a saír da miña zona de confort e adquirir novas habilidades, en definitiva a retarme.  Cambiei os meus patróns mentais por outros máis positivos, o que me axudou a converterme nunha Xeractora de Oportunidades.

-“Si cambias a túa mente cambias a túa Vida “Mario Alonso Puig. Médico-

Forza de Equipo, Que podo dicir do meu equipo?  Tíñamos tanta forza que lle cambiamos o nome o programa. Pasou de Colabora I a XerAcciónXV.

O equipo converteuse nun espazo de enriquecemento tanto a nivel profesional como persoal. Profesional porque a través dos nosos valores, solidariedade e coñecemento compartido adquirimos novas competencias entre nos e persoal porque ahí estamos todos nos malos momentos.Somos compañeiros de viaxe .

Como equipo tamén xeramos oportunidades. Como? Levamos a cabo dous proxectos:

Soltando Lastre: Vídeo reivindicativo sobre novas formas de encarar as políticas de emprego.

Reinventio Compostela: Evento que ten como protagonistas a xente valente que conseguiu darlle a volta a unha situación complicada , xa sexa a nivel  persoal ou profesional (Actualmente preparando a segunda edición ).

Como vedes COLABORA é mais ca un programa de emprego, é unha experiencia de acción social colaborativa. Transforma a persoas que buscan traballo en profesionais que xeran oportunidades laborais e de emprendemento .

POR ISO, Se queres subirte a esta aventura inscríbete en :

Formulario inscripción.

Inscripcións do 9 ao 28 de septembro.

Estrea da curta “Soltando Lastre” e evento REINVENTIO Compostela

O vindeiro 6 de abril ás 20:30 na cafetaría Airas Nunes na Rúa do Vilar 17, teremos a estrea mundial da curta “Soltando lastre” Unha curta dirixida por  Illa Bufarda e na que o equipo de XerAcción XV participa activamente. Este mércores non vos perdades a estrea desta curta que vai dar moito que falar 😉

E antes desta estrea, teremos REINVENTIO Compostela. Historias de reinvención persoal. Un evento creado por nós, desde 0, partindo da idea do proxecto, que nos temos que reinventar e desde aí mirar con outros ollos o mercado laboral, mirar con ilusión e por que non, enxergando a utopía. REINVENTIO Compostela

Este evento vai sobre a reinvención, persoal e profesional 5 persoas que nos contarán as súas historias de reinvención:

Primeiro de todo deberamos falar de que significa reinvención. É decatarse de que algo non está funcionando na túa vida e saber que lle tes que dar unha volta, virala como a unha tortilla. Xa o dicián os nosos avós, “Saír dun souto para meterse noutro” E neste último  souto as castañas son ben saboridas, despois de ter que probar ducias delas sen sabor e mesmo nalgúns casos cheas de vermes que as deixaron baleiras.

Reinventarse vén do latín INVENTIO que tiña o significado de descuberta, así temos por exemplo a Inventio da descuberta do corpo do Apóstolo Santiago, e fixádevos que ben se reinventou a cidade de Santiago ao longo dos anos. E é este significado precisamente o que nós lle queremos dar a este evento, o espírito de descubrirse a un mesmo, de valorarse e decatarse de que lle temos que dar un xiro ás nosas vidas xa que o que até o de agora estabamos facendo non nos enche ou vemos que non nos vai permitir aportar en bo porto, decatarnos de que temos que dedicarnos a outra cousa e que ademais, facémola ben. O espírito de erguerse cando caemos e con máis forza que antes, iso é a reinvención. Saír con forza e inzado de folgos cara a novos retos, cara a novas inquedanzas e proxectos que na inmensa maioría dos casos nunca pensaramos que iamos chegar a facer.

Sucar de novo o mar, botar novos aparellos e aprender do que nos fixo chegar até este punto das nosas vidas.

Acompáñasnos o mércores? Será unha noite chea de sorpresas 😉

E para ir abrindo boca, un vídeo dunha reinvención persoal. Susana, unha bióloga investigadora en xenética que se reinventou e creo GAnchillo. NAtural revolution.

8 de marzo. Día da muller

Tal día coma hoxe no 1908 durante unha folga de máis de 40.000 costureiras de moitas fábricas do téxtil nos EUA reclamando igualdade de dereitos, redución de xornada e o dereito a afiliarse a sindicatos entre outras reivindicacións, nunha desas fábricas, a Cotton Textil Factory de Nova York, máis de 120 mulleres morreron queimadas ao declararse un incendio e estar pechadas dentro polos donos da fábrica.

E é por esta traxedia que celebramos o día internacional da muller traballadora. E nós, desde XerAcción XV,  tamén nos queremos unir a este día. Consideramos que as novas políticas de emprego, nas que nós cremos, tamén TEÑEN que incluír unha igualdade real de oportunidades, unha igualdade de salarios e responsabilidades. Unha política de emprego como a que nós queremos e promulgamos que favoreza a conciliación, tanto para os homes como para as mulleres.

E foi precisamente neste campo, o da conciliación, onde primeiro tivemos que intervir aló nos albores do proxecto Colabora. Na  primeira sesión grupal dos mércores, no espazo de coworking Doutroxeito, tivemos que resolver un problema real de conciliación, xa que varios e varias XerActores e XerActrices teñen nenos e nenas e había que estudar o mellor xeito de poder acudir ás xuntanzas presenciais e ao mesmo tempo atender as obrigas paternais e maternais. Uns días saímos un pouco antes, outros días imos ás sesións cos cativos ou as cativas, outras veces

Tamén fixemos un par de vídeos reivindicativos e un xeroglífico.  agardamos que gocedes deles tanto coma nós facéndoos.

 

Este primeiro vídeo relata as peripecias que ten que pasar unha muller na súa visita a un organismo público cando ten que atender ao mesmo tempo a unha persoa dependente.

Neste segundo vídeo XerAcción XV é tamén xeradora de igualdade.

 

E xa por último temos este xeroglífico. A ver se o resolvedes!

Igualdade

XEROGLIFICO